ಫೊಲಿಕ್ ಆಮ್ಲ

ಪರಿಚಯ ಫೋಲೇಟ್‌ಗಳು ಅಥವಾ ವಿಟಮಿನ್ ಬಿ9 ನೀರಿನಲ್ಲಿ ಕರಗುವ ಜೀವಸತ್ವಗಳಾಗಿದ್ದು, ವಿವಿಧ ಆಹಾರಗಳಲ್ಲಿ ಲಭ್ಯವಿರುತ್ತವೆ. ಇವು ಬಹು-ಜೀವಸತ್ವಗಳು ಮತ್ತು ಪ್ರಸವಪೂರ್ವದಲ್ಲಿ ಅಗತ್ಯವಾದ ಜೀವಸತ್ವಗಳಾಗಿದ್ದು, ಗರ್ಭಾವಸ್ಥೆಯಲ್ಲಿ ಶಿಶುಗಳ ಬೆಳವಣಿಗೆಯಲ್ಲಿ ಬಹುಮುಖ್ಯ ಪಾತ್ರ ವಹಿಸುತ್ತವೆ. ಮಾತ್ರವಲ್ಲದೆ, ಕೋಶ ವಿಭಜನೆ, ಅವುಗಳ ಬೆಳವಣಿಗೆ ಹಾಗೂ ಕೆಂಪು ರಕ್ತ ಕಣಗಳ ಉತ್ಪಾದನೆಗೆ ಕಾರಣವಾಗುತ್ತವೆ.
ವಿಟಮಿನ್ ಬಿ 9, ಫೊಲಿಕ್ ಆಮ್ಲ ಮತ್ತು ಫೊಲಿನಿಕ್ ಆಮ್ಲವೆಂಬ ಎರಡು ರೂಪಗಳಲ್ಲಿ ಲಭ್ಯವಿದ್ದು ಇವೆರಡನ್ನೂ, ಫೊಲೆಟ್ ಎಂದು ವರ್ಗೀಕರಿಸಲಾಗಿದೆ. ಫೋಲಿನಿಕ್ ಆಮ್ಲ, (5-ಫಾರ್ಮೈಲ್ ಟೆಟ್ರಾಹೈಡ್ರೊಫೊಲೇಟ್ ಅಥವಾ ಲ್ಯುಕೋವೊರಿನ್) ವಿಟಮಿನ್ ಬಿ 9 ನ ಸಕ್ರಿಯ ರೂಪವಾಗಿದ್ದು, ಇದು ಬೇರೆ ಬೇರೆ ಆಹಾರಗಳಲ್ಲಿ ನೈಸರ್ಗಿಕವಾಗಿ ಕಂಡುಬರುತ್ತವೆ.ಆದರೆ, ಫೋಲಿಕ್ ಆಮ್ಲವು ಫೋಲೇಟ್‌ನ ಸಂಶ್ಲೇಷಿತ ರೂಪವಾಗಿದೆ. ಇವು ರಚನಾತ್ಮಕವಾಗಿ ವಿಭಿನ್ನವಾಗಿದ್ದರೂ ಸಹ, ದೇಹದಲ್ಲಿ ಒಂದೇ ರೀತಿಯ ಕಾರ್ಯಗಳನ್ನು ನಿರ್ವಹಿಸುತ್ತವೆ. ಶರೀರದಲ್ಲಿ ಸಾಕಷ್ಟು ಪ್ರಮಾಣದ ಫೋಲಿಕ್ ಆಮ್ಲ ಅಥವಾ ಫೋಲಿನಿಕ್ ಆಮ್ಲವಿರದ ವ್ಯಕ್ತಿಗಳನ್ನು “ಫೋಲೇಟ್ ಕೊರತೆಯುಳ್ಳವರು/ ನ್ಯೂನತೆಯುಳ್ಳವರು” ಎಂದು ಪರಿಗಣಿಸಲಾಗುತ್ತದೆ.
ಶರೀರಕ್ಕೆ ಅಗತ್ಯವಿರುವ ದೈನಂದಿನ ಪ್ರಮಾಣ:
ಫೋಲಿಕ್ ಆಮ್ಲದ ದೈನಂದಿನ ಸೇವನೆಯ ಪ್ರಮಾಣವನ್ನು ಡಯೆಟರಿ ಫೋಲೇಟ್ ಈಕ್ವಿವಾಲೆಂಟ್‌ಗಳ (ಎಮ್‌ಸಿಜಿ ಡಿಎಫ್‌ಇ) ಮೈಕ್ರೊಗ್ರಾಂ ಲೆಕ್ಕದಲ್ಲಿ ನಿರ್ಧರಿಸಲಾಗುತ್ತದೆ

ದೇಹವು, ನೈಸರ್ಗಿಕ ಆಹಾರದಲ್ಲಿ ಕಂಡುಬರುವ ಫೋಲೇಟ್ ಗಿಂತಲೂ ಹೆಚ್ಚು ಫೋಲಿಕ್ ಆಮ್ಲವನ್ನು ಬಲವರ್ಧಿತ ಆಹಾರ ಮತ್ತು ಪೂರಕ ಆಹಾರಗಳಿಂದ ಹೀರಿಕೊಳ್ಳುತ್ತದೆ. ಸಾಮಾನ್ಯವಾಗಿ, ಅನುಸರಿಸುವ ಪಥ್ಯವನ್ನು ಹೊರತುಪಡಿಸಿಯೂ ಸಹ ಎಲ್ಲಾ ಗರ್ಭಿಣಿ ಮಹಿಳೆಯರು ಪೂರಕ ಫೋಲಿಕ್ ಆಮ್ಲ ಮತ್ತು ಬಲವರ್ಧಿತ ಆಹಾರವನ್ನು ತೆಗೆದುಕೊಳ್ಳುವಂತೆ ಸೂಚಿಸಲಾಗುತ್ತದೆ.
ದೇಹವು, ನೈಸರ್ಗಿಕ ಮೂಲಗಳಿಂದ ಹೀರಿಕೊಳ್ಳುವ ಫೋಲಿಕ್ ಆಮ್ಲದ ಪ್ರಮಾಣಕ್ಕಿಂತ ಹೆಚ್ಚಾಗಿ ಪೂರಕಗಳಿಂದ ತೆಗೆದುಕೊಳ್ಳುತ್ತದೆ ಎಂಬುದನ್ನು ಪ್ರತಿಬಿಂಬಿಸಲು ಡಿಎಫ್‌ಇ ಯನ್ನು ಅಭಿವೃದ್ಧಿಪಡಿಸಲಾಗಿದ್ದು, ಅದರ ಅಳತೆಯು ಈ ಕೆಳಕಂಡಂತಿದೆ
• 1 mcg DFE = 1 mcg ಫೋಲೇಟ್
• 1 mcg DFE = 0.6 ಬಲವರ್ಧಿತ ಆಹಾರದ ಮೂಲಕ ಫೋಲಿಕ್ ಆಮ್ಲ ಸೇವನೆ ಅಥವಾ ಇತರೆ ಆಹಾರದೊಂದಿಗೆ ಸೇವಿಸುವ ಪೂರಕ
• 1 mcg DFE = 0.5 mcg ಖಾಲಿ ಹೊಟ್ಟೆಯಲ್ಲಿ ಪೂರಕ ಆಹಾರಗಳ ಮೂಲಕ ಫೋಲಿಕ್ ಆಮ್ಲ.

ಮೂಲಗಳು
a. ನೈಸರ್ಗಿಕ ಫೋಲೇಟ್, ತರಕಾರಿಗಳು (ವಿಶೇಷವಾಗಿ ಪಾಲಕದಂತಹ ಕಡು ಹಸಿರು ಸೊಪ್ಪು ತರಕಾರಿಗಳು), ಹಣ್ಣುಗಳು ಮತ್ತು ಹಣ್ಣಿನ ರಸಗಳು, ಬೀಜಗಳು ಮತ್ತು ಬೀಜಗಳು, ಬೀನ್ಸ್, ಬಟಾಣಿ, ಸಮುದ್ರಾಹಾರ, ಮೊಟ್ಟೆ, ಡೈರಿ ಉತ್ಪನ್ನಗಳು, ಮಾಂಸ, ಕೋಳಿ ಮತ್ತು ಧಾನ್ಯಗಳು ಸೇರಿದಂತೆ ವಿವಿಧ ರೀತಿಯ ಆಹಾರಗಳಲ್ಲಿ ನೈಸರ್ಗಿಕವಾಗಿ ಕಂಡುಬರುತ್ತದೆ. ಭಾರತದಲ್ಲಿ, ವಿಟಮಿನ್ ಬಿ 9 ನ ಸಾಮಾನ್ಯ ಮೂಲಗಳೆಂದರೆ, ಬೇಳೆ, ಸೋಯಾ ಬೀನ್ಸ್ ಮತ್ತು ಕಡಲೆಕಾಯಿ. ದೇಶವು ಇದಕ್ಕೆ ಸಂಬಂಧಿಸಿದಂತೆ ರಾಷ್ಟ್ರೀಯ ಕಾರ್ಯಕ್ರಮವನ್ನು ಹೊಂದಿದ್ದು, ಇದರಲ್ಲಿ ಧಾನ್ಯಗಳನ್ನು ವಿಟಮಿನ್ ಬಿ 9 ನೊಂದಿಗೆ ವರ್ಧಿಸಿ ಅದರ ಲಭ್ಯತೆಯನ್ನು ಸುಧಾರಿಸಲಾಗುತ್ತದೆ.

b. ಪೂರಕಗಳು: ಫೋಲಿಕ್ ಆಮ್ಲವನ್ನು ಬಿ-ಕಾಂಪ್ಲೆಕ್ಸ್ ಜೀವಸತ್ವಗಳನ್ನು ಹೊಂದಿರುವ ’ಬಹುಜೀವಸತ್ವ ಮತ್ತು ಇತರ ಪ್ರಸವಪೂರ್ವದಲ್ಲಿ ಅಗತ್ಯವಾದ ಪೂರಕಗಳ’ ರೂಪದಲ್ಲಿ ಸೇವಿಸಲಾಗುತ್ತದೆ, ಅಥವಾ ಪ್ರತ್ಯೇಕವಾಗಿ ಫೋಲಿಕ್ ಆಮ್ಲವನ್ನು ಮಾತ್ರ ಸೇವಿಸಲಾಗುತ್ತದೆ.

ಫೊಲಿಕ್ ಆಮ್ಲ ಸೇವನೆಯಿಂದ ಆರೋಗ್ಯಕ್ಕಾಗುವ ಲಾಭಗಳು ಫೋಲಿಕ್ ಆಮ್ಲವು ಪ್ರತಿ ಕೋಶದ ಡಿಎನ್‌ಎ ಮತ್ತು ಆರ್‌ಎನ್‌ಎ (ಆನುವಂಶಿಕ ವಸ್ತು) ಸಂಶ್ಲೇಷಣೆ, ಪರಿಣಾಮಕಾರಿ ಕೋಶ ವಿಭಜನೆ, ಪ್ರೋಟೀನ್‌ಗಳು ಮತ್ತು ಅಮೈನೋ ಆಮ್ಲಗಳ ಚಯಾಪಚಯ ಕ್ರಿಯೆ ಮತ್ತು ದೇಹದಲ್ಲಿ ಕೆಂಪು ರಕ್ತ ಕಣಗಳ ರಚನೆಗೆ ಅಗತ್ಯ. ಗರ್ಭಧಾರಣೆಯ ಸಮಯದಲ್ಲಿ ಇದು ಮುಖ್ಯವಾಗಿದ್ದು, ಗರ್ಭಾಶಯದಲ್ಲಿನ ಮಗುವಿನ ಬೆಳವಣಿಗೆಗೆ ಸಹಾಯ ಮಾಡುತ್ತದೆ.

ಫೊಲಿಕ್ ಆಮ್ಲದ ಕೊರತೆ
a. ಪೌಷ್ಠಿಕಾಂಶದ ಕೊರತೆ ಕೇವಲ ಫೋಲಿಕ್ ಆಮ್ಲವೊಂದರ ಕೊರತೆಯುಂಟಾಗುವುದು ಅಪರೂಪ. ಏಕೆಂದರೆ, ಸಾಮಾನ್ಯವಾಗಿ ಇದು ಪೋಷಕಾಂಶಗಳ ಅಸಮರ್ಪಕ ಸೇವನೆಯಿಂದ ಉಂಟಾಗುತ್ತದೆ ಹಾಗೂ ವಿಟಮಿನ್ ಬಿ 12 ಕೊರತೆಗೆ ಕಾರಣವಾಗುತ್ತದೆ.
b. ಹೀರುವ ಸಾಮರ್ಥ್ಯ ಕಡಿಮೆಯಾಗುವುದು ಆಲ್ಕೋಹಾಲ್ ಸಂಬಂಧಿತ ಸಮಸ್ಯೆಯುಳ್ಳ ವ್ಯಕ್ತಿಗಳಲ್ಲಿ ಸಾಮಾನ್ಯವಾಗಿ ಫೋಲೇಟ್ ಸೇರಿದಂತೆ ಪೋಷಕಾಂಶಗಳ ಹೀರಿಕೊಳ್ಳುವ ಸಾಮರ್ಥ್ಯ ಕಡಿಮೆ ಇರುತ್ತದೆ. ಆಲ್ಕೊಹಾಲ್ ಪಿತ್ತಜನಕಾಂಗದಲ್ಲಿ ಫೋಲಿಕ್ ಆಮ್ಲದ ಸ್ಥಗಿತವನ್ನು ಹೆಚ್ಚಿಸುತ್ತದೆ. ನಂತರ, ಮೂತ್ರಪಿಂಡಗಳ ಮೂಲಕ ತ್ವರಿತ ವಿಸರ್ಜನೆಗೆ ಕಾರಣವಾಗುವುದಲ್ಲದೆ ರಕ್ತದ ಮಟ್ಟವನ್ನು ಮತ್ತಷ್ಟು ಕಡಿಮೆ ಮಾಡುತ್ತದೆ. ಅಲ್ಸರೇಟಿವ್ ಕೊಲೈಟಿಸ್, ಕ್ರೋನ್ಸ್ ಕಾಯಿಲೆ, ಜಠರದುರಿತ ಮುಂತಾದ ಮಾಲಾಬ್ಸರ್ಪ್ಷನ್ ಕಾಯಿಲೆಗಳಿಂದ ಬಳಲುತ್ತಿರುವ ಜನರಲ್ಲಿ ಕರುಳಿನ ಮೂಲಕ ಫೋಲೇಟ್ ಹೀರಿಕೊಳ್ಳುವಿಕೆಯ ಸಾಮರ್ಥ್ಯ ಕಡಿಮೆಯಿರುತ್ತದೆ.
c. ಅನುವಂಶಿಕ ಕಾರಣಗಳು MTHFR ಅನುವಂಶಿಕ ಧಾತು (ಜೀನ್)ವಿನಲ್ಲಿನ ರೂಪಾಂತರಗಳು, (ಮೀಥೈಲೆನೆಟ್ರಾಹೈಡ್ರೊಫೊಲೇಟ್ ರಿಡಕ್ಟೇಸ್) ಫೋಲೇಟ್ ಅನ್ನು ಅದರ ಸಕ್ರಿಯ ಸ್ವರೂಪವಾದ 5-MTHF ಗೆ ಪರಿವರ್ತಿಸುವ ವ್ಯಕ್ತಿಯ ಸಾಮರ್ಥ್ಯವನ್ನು ಕಡಿಮೆ ಮಾಡುತ್ತದೆ, ಏಕೆಂದರೆ, ಈ ಕ್ರಿಯೆಗೆ ಅಗತ್ಯವಾದ ಮೀಥೈಲೆನೆಟ್ರಾಹೈಡ್ರೊಫೊಲೇಟ್ ರಿಡಕ್ಟೇಸ್ ಕಿಣ್ವದ ಸಕ್ರಿಯತೆ ಕಡಿಮೆಯಿರುತ್ತದೆ. ಈ ರೋಗಿಗಳಿಗೆ 5-ಮೀಥೈಲ್-ಟಿಎಚ್ಎಫ್ (ಫೋಲಿಕ್ ಆಮ್ಲದ “ಸಕ್ರಿಯ” ರೂಪ) ದೊಂದಿಗೆ ಪೂರಕದ ಅಗತ್ಯವಿರುತ್ತದೆ ಮತ್ತು ಇವರು ನರಕ್ಕೆ ಸಂಬಂಧಿಸಿದ ದೋಷಗಳಿಗೆ ಒಳಗಾಗುವ ಅಪಾಯ ಹೆಚ್ಚಿರುತ್ತದೆ

ಫೋಲಿಕ್ ಆಮ್ಲದ ಕೊರತೆ • ಮಜ್ಜೆಯಲ್ಲಿನ ಕೆಂಪು ರಕ್ತ ಕಣಗಳ ಉತ್ಪಾದನೆಯಲ್ಲಿನ ದೋಷದಿಂದಾಗಿ ರಕ್ತಹೀನತೆಯ ಲಕ್ಷಣಗಳು ಕಂಡು ಬರಬಹುದು (ಇದನ್ನು ಮೆಗಾಲೊಬ್ಲಾಸ್ಟಿಕ್ ರಕ್ತಹೀನತೆ ಎಂದು ಕರೆಯಲಾಗುತ್ತದೆ), ಇದರ ಪರಿಣಾಮವಾಗಿ ನಿಶ್ಯಕ್ತಿ, ಬಿಳುಚಿಕೊಳ್ಳುವಿಕೆ (ವಿವರ್ಣತೆ), ಹೃದಯ ಬಡಿತ, ಉಸಿರಾಟದ ತೊಂದರೆಗಳುಂಟಾಗಬಹುದು.
• ಗರ್ಭಾವಸ್ಥೆಯಲ್ಲಿ ಸಾಕಷ್ಟು ಫೋಲಿಕ್ ಆಸಿಡ್ ಮಟ್ಟವನ್ನು ಹೊಂದಿರದ ಮಹಿಳೆಯರು ಸ್ಪಿನಾ ಬೈಫಿಡಾ ಅಥವಾ ಅನೆನ್ಸ್‌ಫಾಲಿ ಯಂತಹ (ಮಗುವಿನ ಬೆನ್ನು ಅಥವಾ ಮೆದುಳಿನಲ್ಲಿನ ಪ್ರಮುಖ ದೋಷಗಳು) ನರಕೊಳವೆಯಲ್ಲಿ ನ್ಯೂನತೆಯುಳ್ಳ ಅಥವಾ ಕಡಿಮೆ ಜನನ ತೂಕ ಹೊಂದಿರುವ ಶಿಶುಗಳಿಗೆ ಜನ್ಮ ನೀಡಬಹುದು ಮತ್ತು ಇಂತಹ ಸಂಧರ್ಭಗಳಲ್ಲಿ ಅಕಾಲಿಕ ಹೆರಿಗೆಯ ಅಪಾಯ ಅಥವಾ ಜನ್ಮಜಾತ ಹೃದಯರಕ್ತನಾಳದ ದೋಷಗಳ ಸಾಧ್ಯತೆ ಹೆಚ್ಚು
• ಫೋಲಿಕ್ ಆಸಿಡ್ ಕೊರತೆಯಿರುವ ಜನರಿಗೆ ಖಿನ್ನತೆ, ಹೃದ್ರೋಗ, ಪಾರ್ಶ್ವವಾಯು ಮತ್ತು ಆಟಿಸಂ ಸ್ಪೆಕ್ಟ್ರಮ್ ಅಸ್ವಸ್ಥತೆಯ ಅಪಾಯದ ಸಾಧ್ಯತೆವಿದೆ ಎಂದು ಅಧ್ಯಯನಗಳು ತೋರಿಸಿವೆಯಾದರೂ ಹೆಚ್ಚು ನಿರ್ಣಾಯಕ ಪುರಾವೆಗಳ ಅಗತ್ಯವಿದೆ.
ಫೋಲಿಕ್ ಆಮ್ಲದ ಅತಿಯಾದ ಸೇವನೆಯಿಂದ ಉಂಟಾಗುವ ಪರಿಣಾಮಗಳು:
ದೇಹದಲ್ಲಿ ಹೆಚ್ಚಿನ ಮಟ್ಟದ ಫೋಲೇಟ್ ಯಾವುದೇ ಹಾನಿಕಾರಕ ಪರಿಣಾಮಗಳನ್ನು ಉಂಟುಮಾಡುವುದಿಲ್ಲವಾದರೂ, ವಿಟಮಿನ್ ಬಿ 12 ಕೊರತೆಯನ್ನು ಮರೆಮಾಚಲು ಸಹಾಯ ಮಾಡುತ್ತದೆ. ಫೋಲಿಕ್ ಆಮ್ಲವು ಕಡಿಮೆ ಬಿ 12 ಮಟ್ಟದಿಂದಾಗಿ ಉಂಟಾಗಿರುವ ರಕ್ತಹೀನತೆಯನ್ನು ಸುಧಾರಿಸಲು ಸಹಾಯ ಮಾಡುತ್ತದೆ. ಆದರೆ, ವಿಟಮಿನ್ ಬಿ 12 ಕೊರತೆಯಿಂದಾಗಿ ಉಂಟಾಗುವ ನರವೈಜ್ಞಾನಿಕ ಸಮಸ್ಯೆಗಳನ್ನು ಸುಧಾರಿಸುವುದಿಲ್ಲ. ಇದಕ್ಕೆ ಸೂಕ್ತ ಚಿಕಿತ್ಸೆ ಪಡೆದುಕೊಳ್ಳದಿದ್ದಲ್ಲಿ ನರಮಂಡಲಕ್ಕೆ ಶಾಶ್ವತ ಹಾನಿ ಉಂಟಾಗುತ್ತದೆ.

ಇತರೆ ಔಷಧಿಗಳೊಂದಿಗೆ ಫೊಲಿಕ್ ಆಮ್ಲದ ಹೊಂದಾಣಿಕೆ/ ಪ್ರತಿಪರಿಣಾಮ/ ಪ್ರತಿಕ್ರಿಯೆ
• ಫೋಲೇಟ್ ಪೂರಕಗಳ ಸೇವನೆಯು, ಕ್ಯಾನ್ಸರ‍್ ಚಿಕಿತ್ಸೆಯಲ್ಲಿ ನೀಡಲಾಗುವ ಮೆಥೊಟ್ರೆಕ್ಸೇಟ್ಗೆ ನ ಕಾರ್ಯಕ್ಕೆ ಅಡ್ಡಿಯನ್ನುಂಟು ಮಾಡಬಹುದು.
• ಸೆಳೆವಿನ ಚಿಕಿತ್ಸೆಯಲ್ಲಿ ಬಳಸುವ ಫಿನೈಟೋಯಿನ್ ಕಾರ್ಬಮಾಜೆಪೈನ್ ಮತ್ತು ವಾಲ್‌ಪ್ರೊಯೇಟ್ ಔಷಧಿಗಳು ರಕ್ತದ ಫೋಲೇಟ್ ಅನ್ನು ಕಡಿಮೆ ಮಾಡಬಹುದು, ಆದರೆ ಫೋಲೇಟ್ ಪೂರಕಗಳನ್ನು ಸೇವಿಸುವವರಲ್ಲಿ ಈ ಔಷಧಿಗಳ ಸೀರಮ್ ಮಟ್ಟವು ಸಹ ಕಡಿಮೆಯಾಗಬಹುದು.
• ಅಲ್ಸರೇಟಿವ್ ಕೊಲೈಟಿಸ್‌ಗೆ ತೆಗೆದುಕೊಳ್ಳುವ ಸಲ್ಫಾಸಲಾಜಿನ್, ಫೋಲೇಟ್ ಅನ್ನು ಹೀರಿಕೊಳ್ಳುವ ದೇಹದ ಸಾಮರ್ಥ್ಯವನ್ನು ಕಡಿಮೆ ಮಾಡುತ್ತದೆ, ಇದರ ಪರಿಣಾಮವಾಗಿ ಕೊರತೆಯಿದೆ.
• ಅಲ್ಸರೇಟಿವ್ ಕೊಲೈಟಿಸ್‌ ಸಮಸ್ಯೆಗೆ ತೆಗೆದುಕೊಳ್ಳುವ ಸಲ್ಫಾಸಲಾಜಿನ್, ಔಷಧಿಯು ಶರೀರವು ಫೋಲೇಟ್ ಅನ್ನು ಹೀರಿಕೊಳ್ಳುವ ಸಾಮರ್ಥ್ಯವನ್ನು ಕಡಿಮೆ ಮಾಡುವುದಲ್ಲದೆ. ದೇಹದ ನ್ಯೂನತೆ/ಕೊರತೆಗೆ ಕಾರಣವಾಗಬಹುದು.

ರೋಗನಿರ್ಣಯ
ದೇಹದಲ್ಲಿನ ಸೀರಮ್ ಫೋಲೇಟ್ ಮಟ್ಟವನ್ನು ಆಧರಿಸಿ ಫೋಲೇಟ್ ಸ್ಥಿತಿಯನ್ನು ನಿರ್ಧರಿಸಬಹುದು. ಈ ಪರೀಕ್ಷೆಯು, ಸದ್ಯದ ಫೋಲಿಕ್ ಆಮ್ಲದ ಸೇವನೆಗೆ ಫಲಿತಾಂಶವನ್ನು ನೀಡುತ್ತದೆಯೇ ಹೊರತು, ವ್ಯಕ್ತಿಯ ದೀರ್ಘಕಾಲೀನ ಸ್ಥಿತಿಯನ್ನು ಪ್ರತಿಬಿಂಬಿಸುವುದಿಲ್ಲ. ಆದ್ದರಿಂದ, ಎರಿಕ್ಥ್ರೋಸೈಟ್ ಫೋಲೇಟ್ ಸಾಂದ್ರತೆಯ ಮಟ್ಟವನ್ನು ಫೋಲಿಕ್ ಆಮ್ಲದ ಕೊರತೆಯನ್ನು ಬಿಂಬಿಸುವ ಪರಿಣಾಮಕಾರಿ ಸೂಚಕವಾಗಿ ಬಳಸಲಾಗುತ್ತದೆ.
ಫೋಲಿಕ್ ಆಮ್ಲದ ಮಟ್ಟಗಳು ಕಡಿಮೆಯಾಗಿದ್ದರೆ, ಹೋಮೋಸಿಸ್ಟೈನ್ ಮಟ್ಟಗಳು ಹೆಚ್ಚಾಗುವುದರಿಂದ ಪ್ಲಾಸ್ಮಾ ಹೋಮೋಸಿಸ್ಟೈನ್ ಸಾಂದ್ರತೆಯಂತಹ ಸಹಾಯಕ ಪರೀಕ್ಷೆಯನ್ನು ಫೋಲೇಟ್ ಸ್ಥಿತಿಯ ಸೂಚಕವಾಗಿ ಬಳಸಬಹುದು. ಆದಾಗ್ಯೂ, ಮೂತ್ರಪಿಂಡದ ಅಪಸಾಮಾನ್ಯ ಕ್ರಿಯೆ ಮತ್ತು ವಿಟಮಿನ್ ಬಿ 12 ಮತ್ತು ಇತರ ಸೂಕ್ಷ್ಮ ಪೋಷಕಾಂಶಗಳ ಕೊರತೆಯಿಂದಾಗಿ ಅವುಗಳನ್ನು ಹೆಚ್ಚಿಸಬಹುದು. ಆದ್ದರಿಂದ, ಅವು ವೈದ್ಯಕೀಯ ಲಕ್ಷಣಗಳು ಮತ್ತು ಇತರ ಪರೀಕ್ಷೆಗಳೊಂದಿಗೆ ಪರಸ್ಪರ ಸಂಬಂಧ ಹೊಂದಿರಬೇಕು.

ಚಿಕಿತ್ಸೆ
ಫೋಲಿಕ್ ಆಮ್ಲದ ರೋಗನಿರೋಧಕವನ್ನು ಗರ್ಭಿಣಿ ಮಹಿಳೆಯರಿಗೆ ಪ್ರಸವಪೂರ್ವ ಔಷಧಿಗಳಾಗಿ ಸೂಚಿಸಲಾಗುತ್ತದೆ. ಇದರೊಂದಿಗೆ ಪೌಷ್ಠಿಕಾಂಶವುಳ್ಳ ಆಹಾರ ಮತ್ತು ಪೂರಕಗಳ ಸೇವನೆಗೂ ಸಹ ಸಲಹೆ ನೀಡಬಹುದು.
ಘೋಷಣೆ: ಮೇಲಿನ ಮಾಹಿತಿಯು ಅರಿವು ಮತ್ತು ಶಿಕ್ಷಣದ ಉದ್ದೇಶಗಳಿಗಾಗಿ ಮಾತ್ರವೇ ಹೊರತು, ಯಾವುದೇ ದೇಹಸ್ಥಿತಿಯ ರೋಗನಿರ್ಣಯ ಅಥವಾ ಚಿಕಿತ್ಸೆಗಾಗಿ ಬಳಸಲಾಗುವುದಿಲ್ಲ. ಯಾವುದೇ ಸಂದೇಹ ಅಥವಾ ಪ್ರಶ್ನೆಗಳಿದ್ದಲ್ಲಿ, ದಯವಿಟ್ಟು ವೈದ್ಯರನ್ನು ಸಂಪರ್ಕಿಸಿ, ಸಮಾಲೋಚಿಸಿ.